५ भदौ २०७६ बिहिबारको राशिफल

मेष- (चु, चे, चो, ला, लि, लु, ले, लो, अ) स्वास्थ्य कमजोर भएको अनुभूति हुनेछ। अलमल तथा ढिलासुस्तीले लक्ष्यमा पुग्न बाधा हुनेछ। गोपनीयता बाहिरिनाले समस्या पर्न सक्छ। सुरुमा काम बिग्रनाले दोहोर्याएर प्रयत्न गर्नुपर्ला। व्यापारलगायत आर्थिक लाभ हुने काममा मन्दी आउन सक्छ।

वृष- (इ, उ, ए, ओ, वा, वि, वु, वे, वो) तत्कालको फाइदा हेर्दा पछिलाई घाटा हुन सक्छ। बेसुरमा दिएको वचनले समस्या निम्त्याउनेछ। विशेष योजना सार्वजनिक नगर्नुहोला। अग्रजहरूको सहयोग जुट्नाले काम बन्नेछ। साझेदारीबाट लाभ उठाउन सकिनेछ।

मिथुन- (का, कि, कु, घ, ङ, छ, के, को, हा) अवसर प्राप्त भए पनि बेलामा होस नपुर्याउँदा व्यावहारिक चुनौती आउन सक्छन्। प्रतिस्पर्धी बढ्नेछन्। विवादास्पद जिम्मेवारी वहन गर्नुपर्ला। दाजुभाइमा असमझदारी बढ्न सक्छ। आस लागेको काम बिग्रनाले लक्ष्यमा बाधा पुग्न सक्छ।

कर्कट- (हि, हु, हे, हो, डा, डि, डु, डे, डो) आवेशको निर्णयले समस्या निम्त्याउने हुँदा आत्मसम्मानका लागि मौन रहनु बेस होला। बलजफ्तीले लक्ष्यमा पुग्न समस्या पर्नेछ। बुद्धिको उपयोगले काम लिने चेष्टा गर्नुहोला। भावना बुझ्न नसक्दा शुभचिन्तकहरू टाढिन सक्छन्।

सिंह- (मा, मि, मु, मे, मो, टा, टि, टु, टे) आगन्तुकहरूले अलमल्याउने हुनाले जीवनशैली व्यस्त रहनेछ। खानपानको असावधानीले स्वास्थ्य प्रतिकूल बन्न सक्छ। परिस्थिति अनुकूलै देखिए पनि काम बिग्रने डरले सताउनेछ। पछिका लागि केही वस्तु त्याग्नुपर्ने हुन सक्छ। लगनशीलताले फाइदा दिलाउनेछ।

कन्या- (टो, पा, पि, पु, ष, ण, ठ, पे, पो) आँटेको काममा अनुमानभन्दा बढी खर्च लाग्नेछ। लाभांश अरूका लागि खर्चनुपर्ला। सरसापटमा धन बाहिरिने देखिन्छ। श्रमको उचित मूल्यांकन भए पनि प्रतिफलका लागि समय पर्खनुपर्नेछ। आम्दानी रोकिनाले तत्काललाई कर्जाको रकम लिनुपर्ने हुन सक्छ।

तुला- (रा, रि, रु, रे, रो, ता, ति, तु, ते) पेसा र व्यापारमा राम्रै लाभांश हातलागी हुनेछ। आवश्यक भौतिक साधन जुट्नेछन्। आयआर्जनका विविध स्रोत फेला पर्नेछन्। श्रमको उचित मूल्य पाइनेछ। व्यापारमा राम्रै फड्को मार्न सकिनेछ। छोटो समयमै राम्रो प्रगति हुनेछ। दैनिक आवश्यकता पूरा हुनेछन् ।

वृश्चिक- (तो, ना, नि, नु, ने, नो, या, यि, यु) आफ्नो क्षेत्रमा अरूले हस्तक्षेप गर्न सक्छन्। कामको सन्दर्भमा विवादास्पद जिम्मेवारी वहन गर्नुपर्ला। अप्ठ्यारो परिस्थितिबाट लक्ष्यमा पुग्न निकै मिहिनेत गर्नुपर्नेछ। आफन्त र सहयोगीहरूको भर नपर्नुहोला। मिहिनेतले चुनौती पार लगाउन सकिनेछ।

धनु- (ये, यो, भा, भि, भु, धा, फा, ढा, भे) वातावरण अनुकूल देखिए पनि लगनशीलताले मात्र प्रतिफल दिलाउनेछ। समयमा लाभ उठाउने चेष्टा नगर्दा पछि परिएला। अध्यात्मभाव जागृत हुनाले परोपकारमा मन जानेछ। तारिफयोग्य काम गर्दै धेरैको उपकार गर्न सकिनेछ।

मकर- (भो,जा,जि,जु,जे,जो,ख,खि,खु,खे,खो,गा,गि) चुनौतीपूर्ण कामको जिम्मेवारी आए पनि बुद्धि–विवेकले काम सम्पादन गर्न सकिनेछ। अप्ठ्यारा परिस्थितिसँग सम्झौता गर्नुपरे पनि आत्मविश्वास, मिहिनेत र लगनशीलताले लक्ष्यमा पुर्याउनेछ। समस्या दर्साउँदा सहयोगीहरूको समेत साथ प्राप्त हुनेछ।

कुम्भ- (गु, गे, गो, सा, सि, सु, से, सो, दा) प्रयत्न गर्दा टाढाको यात्रा गर्ने साइत जुर्नेछ। सोखले खर्च बढाए पनि मनपर्ने भौतिक साधन जोड्ने समय छ। लगानी बढाउनुपरे पनि व्यवसायमा नयाँ कार्यको थालनी हुनेछ। मित्रता र प्रेमको बन्धन कसिनेछ। सुन्दर पहिरनले व्यक्तित्वमा निखारता ल्याउनेछ।

मीन- (दि, दु, थ, झ, ञ, दे, दो, चा, चि) शत्रुबाधा, मुद्दामामिला र वादविवाद समेत सामना गर्नुपर्ने हुन सक्छ। साझेदारीमा केही विवाद आउन सक्छ। ठगीमा परिने समय रहेकाले धनमाल सुरक्षामा सजग रहनुपर्ला। प्रतिस्पर्धीहरूले काममा बाधा पुर्याउने चेष्टा गर्नेछन्। तापनि काम बन्नाले उत्साह जाग्नेछ।

बुटवलबाट संचालित प्रदेश ५ को लोकप्रिय अनलाइन अखबार न्यूज डटकम २०७४ पौष ७ देखि सञ्चालनमा आएको हो ।

प्रतिकृया दिनुहोस