गुल्मीमा पक्की पुल भत्किदा ५ घाइते

गुल्मी । बडिगाढ खोलाको पक्की पुल भत्किदा पाँच जना घाइते भएका छन । गुल्मीको मुसिकोट नगरपालिका वडा नं ३ र वडा नं ७ जोड्ने झेर्दीको पुल आइतबार साँझ भत्किएको हो । पुल भत्किएपछि च्यापिएर निर्माण व्यावसायी क्रृषिराम इटानी गम्भिर घाइते भएको जिल्ला प्रहरी कार्यालय गुल्मीका एसपी दिपक कुमार बस्नेतलले बताए ।

त्यस्तै मुसिकोट नगरपालिका ३ का २३ बर्षका राम बहादुर कुमाल, ३३ बर्षको गणेश कुमाल, वडा नं ४ का ५१ बर्षका रुद्र बहादुर कार्की र बाग्लुङ्गको बडिगाढ गाउँपालिका ७ का जेसिवी चालक तुल बहादुर राना घाइते भएका छन ।

वाइटी जय बुद्ध कन्ट्रक्सन प्रालीले निर्माण गर्दै गरेको ५५ मिटर लामो पुल बडिगाढ खोलामा आएको बाढीले भत्काएको मुसिकोट नगरपालिकाका प्रवक्ता प्रकाश काफ्लेले जानकारी दिए ।

सो पुल ढलान गरेको दुई दिनपछि पुल भत्किएको हो । सो पुल ०७३ सालमा सम्झौता भएर गत बर्षदेखि निर्माणको काम भइरहेको प्रवक्ता काफ्लेले बताए । -नागरिक दैनिक

बुटवलबाट संचालित प्रदेश ५ को लोकप्रिय अनलाइन अखबार न्यूज डटकम २०७४ पौष ७ देखि सञ्चालनमा आएको हो ।

प्रतिकृया दिनुहोस