दाङमा लागु औषधसहित ४ जना पक्राउ

दाङ । दाङ प्रहरीले लागुऔषध मनोद्धिपक पदार्थसहित चार जनालाई पक्राउ गरेको छ । प्रहरीले घोराही उपमहानगरपालिका वडा नं. १३ डुमरगाउँ स्थित इश्वरी थापाको घरमा डेरा गरि बस्ने च्याङरा भन्ने हिक्मत रोका मगरसहित चार जनालाई पक्राउ गरेको हो ।

डेरा गरी बस्ने घरको सौचालयमा डाईजापाम र नुफिन लागुऔषध लुकाई छिपाई राखेको अवस्थामा प्रहरीले पक्राउ गरेको जिल्ला प्रहरी कार्यालय दाङका प्रहरी नायव उपरिक्षक बिनोदविक्रम शाहले जानकारी दिए । प्रहरीले लुकाई राखेको डाईजापाम २ एम.एल. लेखेको १० थान र नुफिन २ एम.एल. लेखेको १० थान गरि जम्मा २० थान पक्राउ गरेको छ ।

पक्राउ पर्नेमा घोराही उपमहानगरपालिका वडा नं. १० घर निवासी २३ बर्षीय केशव डागी, रोल्पा जिल्ला साविक कुरेली–८ निवासी हाल घोराही–१३ मा बस्ने २२ बर्षीय रमेश बुढामगर र घोराही उपमहानगरपालिका वडा नं. १४ बस्ने २६ बर्षीय दामबहादुर पुन रहेका छन ।

पक्राउ परेका उपर लागुऔषध (नियन्त्रण) ऐन २०३३ अनुसार मुद्धा दर्ता गरेर आवश्यक अनुसन्धान भईरहेको प्रहरी नायव उपरिक्षक शाहले जानकारी दिए ।

लिलाधर वली

वली दाङका संवाददाता हुन् ।

बुटवलबाट संचालित प्रदेश ५ को लोकप्रिय अनलाइन अखबार न्यूज डटकम २०७४ पौष ७ देखि सञ्चालनमा आएको हो ।

प्रतिकृया दिनुहोस