घरको झ्यालबाट हाम फाल्दा १ को मुत्यु

गुल्मी । गुल्मीको मुसिकोट नगरपालिकामा आईतबार बिहान  घरको झ्यालबाट हाम्फाल्ने क्रममा एक जना पुरुषको  ज्यान गएको छ ।

जिल्लाको मालिका गाउँपालिका १, नेटा घर भई मुसिकोट नगरपालिका ७ वामीटक्सारमा डेरा गरि बस्ने ३३ वर्षीय हिमाल घर्तीको सोही डेरा नजिकैको एक घरको झ्यालबाट हाम्फालेर ज्यान गएको हो ।

जिल्ला प्रहरी कार्यालय गुल्मीका प्रहरी निरीक्षक रविन्द्र खड्काका अनुसार गएराती झ्यालबाट हाम्फालेर गम्भीर घाइते भएका उनलाई लुम्बिनी मेडिकल कलेज वामीमा उपचार हुन नसकी थप उपचारका लागि सदरमुकाम तम्घास ल्याउने क्रममा बीच बाटोमै ( आज बिहान साढे ६ बजे) मृत्यु भएको हो ।

स्थानीयका अनुसार हिजो राती घर्ती डेरा नजिकै अर्कैको घरमा बस्न गएका थिए । परस्त्रीगमनको आशंकामा उनकी श्रीमती खोज्दै आएर बाहिरबाट ढोका लगाई दिएपछि भाग्ने क्रममा घर्ती सोही घरको झ्यालबाट हाम्फालेर गम्भीर घाइते भएका थिए ।

अहिले पोष्मार्टम गरि परिवारलाई शव बुझाउने प्रकृया चलिरहेको प्रहरी निरीक्षक खड्काले बताए ।

बुटवलबाट संचालित प्रदेश ५ को लोकप्रिय अनलाइन अखबार न्यूज डटकम २०७४ पौष ७ देखि सञ्चालनमा आएको हो ।

प्रतिकृया दिनुहोस